Ekki fór þessi Eurovision keppni eins og ég átti von á. En mér fannst þetta lag alveg þrælgott og vel flutt. Það var hinsvegar ekki nóg og lentum við í 14. sæti. Danmörk gaf okkur 12. stig eins og við þeim og bjargaði sú stigagjöf okkur frá 17. sætinu í lokin, við getum þakkað dönum fyrir það.

Á næsta ári að þá þurfum við að taka þátt í undankeppninni eins og síðustu ár og efast ég persónulega um að við komumst áfram þá. Sumir hafa verið að benda á að best væri að sleppa frekari þáttöku vegna kostnaðs og augljósum klíkuskap a-Evrópuþjóðanna sem gefa hvort öðru hæstu stigin ár eftir ár. Margir hafa gengið það langt að segja það eyðileggja keppnina.

Vissulega gáfum við nágrannaþjóðunum stig einnig en þau lög sem voru að fá hæstu stigin frá okkur voru virkilega flott. Hinsvegar gamla sovjét blokkin gaf nágrönnum sínum stigin þrátt fyrir ömurleg lög og slæman flutning þar sem í mörgum tilvikum flytjendurnir voru hreinlega falskir.

Ég mæli með Skandinavision á næsta ári. Þar sem við norðurlandaþjóðirnar keppum okkar á milli og hættum þessu a-evrópu klíkuruglkeppni. Það er allavega mín skoðun.

Mikil mótmæli hafa verið í Danmörku eftir að myndir af spámanninum Múhammed voru birtar aftur í dönskum dagblöðum. Myndirnar voru endurbirtar eftir að þrír menn frá Túnis, voru handteknir vegna gruns um að hafa ætlað að myrða teiknara Jyllands - Posten, sem teiknaði eina myndina af spámanninum.
Mótmælendur hafa brugðið til þess ráðs að brenna allt sem hægt er að brenna og í raun allt sem hefur orðið á vegi þessara glæpamanna hefur brunnið.
Mikill hiti er í innflytjendum í Danaveldi þessa dagana og í gær og í nótt loguðu eldar í Kaupmannahöfn og Árósum. Vitfirrt ungmenni hafa kveikt í ruslagámum, bílum og skólum, vegna þess eins að myndir af Múhammed voru birtar í fjölmiðlum. Furðulegt alveg!
Og nú síðast var kveikt í barnaheimili í Tilst, úthverfi Árósa í kvöld og að sögn lögreglu er hættan yfirstaðin og tveir piltar hafa verið handteknir. Búið er að slökkva eldinn sem aðeins eyðilagði lítinn hluta af barnaheimilinu.
Hegðun þessara múslima er til skammar. Þeir nota málfrelsi og tjáningarfrelsi sitt til að mótmæla mál og tjáningarfrelsi okkar! Ég verð bara að segja að mér finnst þetta stórmerkilegt.
Og síðan skilja þessir aðilar ekkert í því afhverju tveimur múslimum var vísað úr landi. Þeim finnst ekkert athugavert við það að þeir ætluðu sér að myrða þennan teiknara, það er ekkert pælt í því. Einungis er hugsað um sinn málstað og sínar trúarskoðanir. Ekki virðist skipta neinu máli að þeir eru ekki í sínu heimalandi, þeir eru í Danmörku þar sem öðruvísi sýn er á hlutunum. Tjáningarfrelsi er og önnur trúarbrögð eru í landinu. Hræsnin í þessu er svo mikil að maður er orðlaus.

Nú er mér ekkert farið að lítast á blikuna..

1/4 af ísnum á Norðurpólnum bráðnaði á síðasta ári.

Við erum í slæmum málum og höldum áfram að menga!

Hvaða lönd fara undir þegar þetta gerist.. þau lönd sem eru nálægt Norður og suðurpólnum , ekki gott að búa t.d í Evópu?  Jöklarnir, þeir eru að bráðna og við erum að tala um að jafnvel barnabörnin okkar eiga eftir að vera í djúpum sk.........

Ég vona að þeir sem ráða öllu í þessum heimi fari að gera eitthvað í málunum!

Ætli þetta sé nokkuð verra öryggistæki fyrir lögreglu en piparúðinn. Ef þessi búnaður verður farinn að vera í flestum lögreglufarartækjum að þá geta þeir brugðist við t.d aðstæðum eins og áttu sér stað á laugarveginum þar sem 5 litháar réðust að götuhóp fíkniefnadeildarinnar og komu einum á sjúkrahús. Tveir voru samt handteknir á vettvangi eftir að aðstoð barst og hinir handteknir í heimahúsum síðar.

Mér finnst í fínu lagi að lögreglan hafi þetta varnartæki sérstaklega í ljósi þess að þeir eru að slasast í við skyldustörf.

Kannski er heimurinn bara orðinn svona harður að þeir sem halda uppi lögum í landinu verða að bæta búnað sinn til að takast á við erfiðari verkefni.

Þótt að kylfan sem var sýnd "í notkun" í Kompásþættinum var nokkuð öflug, að þá held ég að það sé alveg óhætt að bæta þessu í tólabelti sérstveitarinnar og síðar meir til almennrar lögreglu.

En í  þessum Kompásþætti var fylgst með aðgerð lögreglu, þar sem handrukkarar voru handteknir fyrir ofbeldi og hótanir. Mér fannst hann mjög hugrakkur fjölskyldufaðirinn sem allt í einu var kominn í aðstæður sem erfitt var að ráða við án aðstoðar. En gott að sjá að lögreglan gat aðstoðað þennan mann.

Ég vona að Kompás fylgi málinu eftir. 

Ég sá smá úr þætti Spaugstofunnar sem var undirlagður af máli nýja borgarstjórans, og heilsu hans. Það er kannski full gróft að kalla þetta árásir, en þetta var ósmekklegt.

Og spaugstofan hefði varla þurft að nota allan þáttin nánast í að fjalla um heilsu og mál Ólafs. Algjör óþarfi. Spaugstofan hefur oft komið mér til að hlæja, en ég hló engan vegin af þessum þætti. Vona að þeir verði með eitthvað betra en árásir á borgarstjóra í næsta þætti.

Mikið er skondið að fylgjast með fréttum af Tommy Lee, en blaðamenn virðast fylgjast með gjörsamlega öllu sem maðurinn gerir.

Þetta er ágætis trommari svosem og var þekktur með hljómsveit sinni Mötley Crue, og náði síðan aðeins að minna á sig aftur með raunveruleikaþættinum RockStar supernova, þar sem Magni okkar sló í gegn.

En í dag er þetta að mínu mati útbrunnin og útúrsjúskaður rokkari. EN hann á örugglega einhverja aðdáendur hér á landi sem taka þessum fréttum af kappanum fegins hendi. En mér persónulega gæti ekki verið meira sama hvað hann tekur sér fyrir hendur hérlendis.

Það virðist vera í tísku hjá frægum tónlistarmönnum og leikurum/leikstjórum að koma til Íslands til að detta ærlega í það og jafnvel "lenda á séns" með einhverri Íslenskri dömu, eða þannig kemur það allavega út. Stutt er síðan Quentin Tarantino og Eli Roth komu til landsins til að fara á fylleríi og einnig hefur Kiefer Sutherland dottið ærlega í það hérlendis, ekki fyrir svo löngu síðan.

Eini "kosturinn" við þessar drykkjuferðir fræga fólksins á Íslandi, er þessi ágæta landkynning, en Kiefer t.d talaði heilmikið um Ísland í Jay Leno þætti og flott var þegar Tarrantino setti áfengið Íslenska í kvikmynd sína. Allt í góðu með það, EN þurfa fjölmiðlar að segja frá ÖLLU sem þeir gera hér á landi?

Það er nú það ... 

Yfirleitt hefur það nú talið vera heiður ef páfi heiðrar fólk með nærveru sinni. Furðulegt hvað menn eru viðkvæmir fyrir trúmálum að leyfa ekki æðsta manni kaþólsku kirjunar að tala. Þeir þurfa allsekki að vera sammála öllu sem hann segir, en hann ætti að geta talað um trúmál án þess að vísindasinnaðir prófessorar mótmæli.

Ekki verður perlum kastað fyrir svín í þetta skiptið. Þeirra missir! 

Sagt er að þeir sem frægir verða, og eru orðnir að þekktum einstaklingum að þá missi þeir öll réttindi til einkalífs. Þannig er það bara ekki, frægt fólk hefur alveg jafn mikinn rétt og ég og þú til næðis og einkalífs.

Mikið skil ég hana Björk sem varð fyrir miklu ónæði frá paparazzi ljósmyndara á flugvelli á Nýja Sjálandi á dögunum. Lét hún reiði sína bitna á honum og urðu smá átök, og í kjölfarið rifnaði bolur ljósmyndarans. Ljósmyndarinn segist vera óvinnufær vegna málsins. RUGL!

Alveg merkilegt hvað fjölmiðlum og æsifréttablöðum finnst sjálfsagt að leggja frægt fólk í einelti. Það er sitið fyrir stjörnunum hver sem þær fara, og aldrei er friður. Ekki vildi ég vera frægur. Gott dæmi um hvernig þetta fer með stjörnurnar er hún Britney Spears sem lenti á geðdeild um daginn. Kannski er ekki hægt að kenna paparazzi ljósmyndurunum bara um þetta, en stöðugt áreiti og ágengir ljósmyndarar hafa ekki bætt ástandið hjá söngkonuni. Leiðinlegt að sjá hvernig frægðin hefur farið með hana. Hún er búin að missa umgengnisrétt yfir börnum sínum og var um daginn nánast svipt sjálfræði og sett á geðdeild. Sorglegt mál

Þetta ættu paparazzi ljósmyndarar og þessir skítasneplar sem láta stjörnurnar ekki í friði að taka til sín og láta þetta fólk í friði! Ekkert flóknara! Hvernig ætli þessum ljósmyndurum og blaðamönnum mundi finnast ef einhver sæti um þá allan sólarhringin með myndavél. Þeir mundu örugglega ekki hafa gaman af því! Leiðinlegt að þeir hugsa ekki svona... eina hugsunin er að selja blöð og græða peninga. Leiðinlegt fyrir hina frægu!! 

Ekki spurning. Fyrst erlendar glæpaklíkur eru farnar að ráðast á lögregluna okkar, að þá verða þeir að geta tekið á móti þessum pésum! Vopna lögregluna með rafbyssum eða hreinlega skammbyssum. Þetta er ekki eins og var árið 1970 þegar versta sem lögreglan lenti í var að slást við fullan bónda (smá ýkjur) en þið skiljið vonandi.

Vopna lögregluna, og bæta sérsveitina! Ekki flókið!

Er að prófa bloggið hér. Finnst nú moggabloggið flottara en fínt að hafa þessa síðu til vara ef ráðist verður á blog.is aftur.

Mun blogga meira síðar, en ætla að fara að breyta síðunni.

Kveðja!!